01.12.2003 / 09:07
Elias Van de Poppels


Adventsdämmerung


No' is' a weng dungl, obba schäi g'müdlich,
a weng rommandisch is' in da warm Stubn,
do brennt ganz schdill a ansads Lichdla,
un' drotzdem sichsdas im ganzn Haus,
ins no' dungle Dohl naus,
weit inne Wäld.

No' is' a weng dungl, obba ganz friedlich,
wahl des Kind, des Viech un da Obba nu schnarchd
do scheind ganz hell a ansads Lichdla,
un' da Lichdlaschein machd aussem Engela a Engla,
des wou grinsd ins dungle Dahl naus,
weid inne Wäld.

No' wird's scho a weng hella, obba ganz ruhig,
däi Gloggn bämmeln sanfd, wöi aussa Gribbn,
un' des Szänarioh gäihd völlich aaf.
Plötzlich - werds no' a weng hella un' des glitzad,
des schneid, des funggeld, des blänggad,
- un drin in da Stubn brennd a ansads Lichdla,
un a Engla lacht
weid inne Wäld naus.

Do woaß a jeda, dassa etz kumma däd, wenna ned scho do is.

[Gell? Ned fai bloßa da Advent!]




zurück

Elias L.Z. Van de Poppels,
dem ersten Dezember Zweitausenddrei.
www.muemmes.de | contact@muemmes.de
 Montag, 01. Dezember 2003 | 10:45 Uhr